Puisi Bahasa Bali

SURYA SEWANA

Rikala semeng

Sang Hyang Baskara Kenyung ring purwa

Ida Sang Marga Pandita

Merojegang sopacara Surya Sewana

                                    Mantran-mantran wedha astwa

                                    Satmaka suaran I Brahmara

                                    Awor ring kliningan bajra genta

                                    Tek.. ning... Tek.... ning

                                    Maktetek tur ning ening

                                    Awor nylusuk tungtunging jiwa pramaning manu

Pagastawa.....

Inggih Sang Hyang Param kauli

Ampurayang ka iwangan para jarane

Ia enin jagate saha daging ipun

Kasuketan, karahayuan, karahajengan

Lempasang sekancan biota, huru asa, miwah bencana

                                    Inggih Hyang Widhi, nawegang dagingin pinunas puniki

                                    Om Tatasthu Rasthu Bhawanthu

                                    Om, Santhi, Santhi, Santhi Om

                                                                                                Olih : Ida Ayu Wayan Chintya Anggari

KANGEN

Suryane endag menyinarin

Munyin kedise saling pasautin.

Iriki titiang nglanguang manah

Tur Ngilangang sebet

               

Petenge  sane kasambehin bintang

Tan prasida ngincalang   

Pedih sane setate

Ngincangin manah titiange

Setate eling ring manah

Kangen teken timpal tiange

Wiadin kangen iriki

Tan prasida ka wales

Sebet sane bakta titiang

Sewai-wai iriki

Wantah hidup tiange......

Ne setate pedidi

                                                                                                             Olih : Ni Putu Eka Okta Arita Dewi